Toe ek vanoggend na die onderhoud met Joost Van der Westhuizen op RSG luister kon ek nie anders as om jammer vir hom te voel nie. Joost het toe gebieg dat dit hy was wat in die skandvideo te sien was wat deur afpersers verfilm is en toe aan die media gelek is. Mag hy die klipperige pad na herstel suksesvol bewandel. En mag die media hom en sy gesin uitlos om privaat die skerwe op te tel.