Die voorsitster van die portefeuljekommitee oor kommunikasie, Khusela Diko, het op Maandag, 8 September ‘n ernstige waarskuwing uitgereik dat die SABC Se senders teen die einde van Dsember vanjaar deur hul diensverskaffer en seinverspreider Sentech afgeskakel kan word as gevolg van opgehoopte skuld. Sentech het gewaarsku dat hulle self nie meer kan bekostig om die SABC se sein te versprei sonder dat hulle nou begin plan maak om wel hulle te betaal nie. Hulle glo ook nie dat hulle met hulle bedrywighede kan voortgaan onder hierdie omstandighede na die einde van Desember nie.
https://mybroadband.co.za/news/broadcasting/610243-total-blackout-warning-for-the-sabc.html
Die SABC is die grootste verbruiker van Sentech se dienste en Sentech bloei tans R70 miljoen uit om die SABC se seinverspreidingskoste te subsidieer omdat hulle eenvoudig nie hulle diensfooie betaal nie.
Op 23 Julie vanjaar het die SABC se hoofuitvoerende beampte, Nomsa Chabeli, ook gewaarsku dat Senteck die senders kan afskakel as gevolg van uitstaande skuld.
https://mybroadband.co.za/news/broadcasting/603666-sabc-total-blackout-warning-2.html
Verder is daar ook nog die kostes om die SABC se analoog- en digitale televisiesenders tegelyktydig aan die gang te hou in plaas daarvan om heeltemal na die digitale platform toe oor te skakel. Die analoog senders word nog in vier provinsies aangehou terwyl vyf provinsies heeltemal oorgeskakel het na die digitale uitsendings van die SABC.
Hierdie kostes is ook hoofsaaklik deur Sentech gedra. In November 2024 het die departement van kommunikasie en digitale tegnologie bekend gemaak dat hierdie dubbele uitsendings sowat R1.23 miljard gekos het oor die laaste tien jaar.
https://mybroadband.co.za/news/broadcasting/571133-expensive-tv-migration-problem-in-south-africa.html
Dit alles as gevolg van die regering se uiters stadige en onbekwame proses wat gevolg is om die oorskakeling van analoog na digitale uitsendings moontlik te maak. Daar was eers die stryery oor watter digitale standaard gebruik sou word. Uiteindelik is toe besluit om die Europese DVBT 2 standaard te gebruik.
Toe kom die hele proses om digitale dekodeerders te versprei aan huishoudings wat nie kon bekostig om dit self te doen en dan oor te skakel na digitale uitsendings toe nie. Lede van die publiek moes forms invul waarin hulle inkomste verklaar word. Slegs laags besoldigde werkers kon kwalifiseer vir hierdie gratis dekodeerders. Daar is egter ook nog diegene in die laer middelklas wat ook nie kan bekostig om na die digitale uitsendings toe oor te skakel nie, maar hulle kwalifiseer nie vir die regering se dekodeerders nie en ongelukkig het privaat diensverskafeers en handelaars van sulke toerusting nie veel moeite gedoen om digitale dekodeerders te bemark wat wel in die ope mark aangekoop kon word nie. Ek moes self maar by aanlyn handelaars gaan soek vir sulke dekodeerders wat beskikbaar was.
Die SABC en ETV is albei bang dat hulle kykers kan verloor indien die analoog senders heeltemal afgeskakel sou word.
Terwyl die SABC, Sentech, ETV en selfs Multichoice stry oor die digitale migrasie en wie dalk die moontlike huishoudelike heffings moet invorder wat moontlik die verouderde televisielisensies moet vervang, neem stroomdienste al meer oor. Daar was selfs al oorwegings om belastings teen stroomdienste te hef om die SABC te red. Twee honde baklei oor ‘n been en die derde gaan daarmee heen.
Daar is egter groot kommer oor die gevolge van so ‘n sendersluiting vir SABC se televisie- en radio-uitsendings. Hoewel die kwaliteit van televisie-uitsendings se inhoud op die SABC se kanale drasties agteruit gegaan het, het radiodienste soos Radio Sonder Grense steeds probeer om goeie programme aan te bied ten spyte van knypende geldtekorte wat ook maar besnoeiings aan hulle programvervaardiging en personeelure veroorsaak het. Dan is daar ook nog die radiostasies wat ander taalgroepe en bevolkingsgroepe bedien. Hierdie dienste het nog altyd ‘n belangrike bydrae gelewer om hulle onderskeie gemeenskappe ingelig te hou, te vermaak en om die kultuur uit tebou.
Dink byvoorbeeld aan RSG se radioteater, inligtingsprogramme oor regsake, mediese aangeleenthede, besigheid, kinderopvoeding en sielkunde. Dan ook nog waardevolle hoorbeelde wat uitgesaai word oor interessante mense, onderwerpe of geskiedkundige gebeure.
Radio speel ‘n baie belangrike rol vir diegene wat bedags by die huis is en nie altyd kontak met ander mense het nie.
Wat gebeur met onafhanklike radiostasies wat ook van die infrastruktuur van Sentech afhanklik is? Ek dink veral aan stasies wat voorheen aan die ou SAUK behoort het maar wat na 1994 geprivatiseer is en aan opkomende mediamaatskappye verkoop is. Van hierdie stasies deel op sommige plekke steeds hulle torings met bestaande SABC senders. Gaan hierdie radiostasies dan ook afgeskakel word of gaan ulle betyds oorgeskakel word na hulle eie senders? Of kan Senteck wel individuele senders op een toring afskakel?
Dis voorwaar ‘n voorreg om in ‘n gebied te kan bly waar daar onafhanklike radiostasies beskikbaar is op FM. Dit sluit gemeenskapsradio en handelsradio in. Veral Afrikaanse gemeenskapsradio het vir my persoonlik groot waarde. Ongelukkig is daar groot dele van Suid-Afrika waar daar baie min of geen sulke dienste beskikbaar is nie. Dis meestal die SABC se stasies en die voormalige streeksradio van die ou SAUK wat beskikbaar is met miskien ‘n onafhanklike streeksradiostasie wat byvoorbeeld nie in Afrikaans beskikbaar is nie. Gelukkig kan mens darem na Afrikaanse gemeenskapsradio luister via die internet. Maar dit trek data en almal het nie noodwendig toegang tot onbeperkte internet nie. Verder het baie mense wat perfek sou kon baat by sulke uitsendings nie die tegniese vaardighede om dit te kan luister nie. Mens dink veral aan ouer persone.
Verder kan daar ook vrae gevra word oor die kwaliteit van programme wat moontlik verlore kan gaan indien die SABC se senders wel einde Desember gesluit gaan word. Sal onafhanklike stasies ook radioteater, inligtingsprogramme en hoorbeelde kan uitsaai soos wat die SABC se radiodienste gedoen het? Sal hulle ook die kultuurbehoeftes van hulle luisteraars verstaan en materiaal kan aanbied wat daarby aanpas? Dink maar aan RSG se spesiale programme vir Kersfees en Paasfees?
Afrikaanse gemeenskapsradio probeer wel om hierdie behoeftes te vervul. Hulle bied wel inligtingsprogramme aan oor gesondheid, landbou, gemeenskapsaktiwiteite en selfs kulturele insetsels soos spesialiteitsmusiekprogramme. Hierdie uitsaaiers het egter beperkte hulpbronne en dit sal byvoorbeeld moeilik vir hulle wees om dramas en hoorbeelde aan te bied. Daar is net nie die nodige kapitaal en personeel daarvoor nie.
Die minister van kommunikasie, MNR. Solly Malatsi, het wel aangedui sy departement het ‘n diensverskaffer aangestel om ‘n befondsingsmodel vir die SABC te ontwerp. Hoe lank gaan so ‘n proses neem? Gaan iemand dit wel regkry om ‘n haas uit die hoed te pluk tussen nou en Desember of gaan ons wel ‘n stil, donker tyd tegemoed in die nuwe jaar?
Etiket: Afrikaans
-
As die SABC se stem stil word
-
As die SABC se stem stil word
Die voorsitster van die portefeuljekommitee oor kommunikasie, Khusela Diko, het op Maandag, 8 September ‘n ernstige waarskuwing uitgereik dat die SABC Se senders teen die einde van Dsember vanjaar deur hul diensverskaffer en seinverspreider Sentech afgeskakel kan word as gevolg van opgehoopte skuld. Sentech het gewaarsku dat hulle self nie meer kan bekostig om die SABC se sein te versprei sonder dat hulle nou begin plan maak om wel hulle te betaal nie. Hulle glo ook nie dat hulle met hulle bedrywighede kan voortgaan onder hierdie omstandighede na die einde van Desember nie.
https://mybroadband.co.za/news/broadcasting/610243-total-blackout-warning-for-the-sabc.html
Die SABC is die grootste verbruiker van Sentech se dienste en Sentech bloei tans R70 miljoen uit om die SABC se seinverspreidingskoste te subsidieer omdat hulle eenvoudig nie hulle diensfooie betaal nie.
Op 23 Julie vanjaar het die SABC se hoofuitvoerende beampte, Nomsa Chabeli, ook gewaarsku dat Senteck die senders kan afskakel as gevolg van uitstaande skuld.
https://mybroadband.co.za/news/broadcasting/603666-sabc-total-blackout-warning-2.html
Verder is daar ook nog die kostes om die SABC se analoog- en digitale televisiesenders tegelyktydig aan die gang te hou in plaas daarvan om heeltemal na die digitale platform toe oor te skakel. Die analoog senders word nog in vier provinsies aangehou terwyl vyf provinsies heeltemal oorgeskakel het na die digitale uitsendings van die SABC.
Hierdie kostes is ook hoofsaaklik deur Sentech gedra. In November 2024 het die departement van kommunikasie en digitale tegnologie bekend gemaak dat hierdie dubbele uitsendings sowat R1.23 miljard gekos het oor die laaste tien jaar.
https://mybroadband.co.za/news/broadcasting/571133-expensive-tv-migration-problem-in-south-africa.html
Dit alles as gevolg van die regering se uiters stadige en onbekwame proses wat gevolg is om die oorskakeling van analoog na digitale uitsendings moontlik te maak. Daar was eers die stryery oor watter digitale standaard gebruik sou word. Uiteindelik is toe besluit om die Europese DVBT 2 standaard te gebruik.
Toe kom die hele proses om digitale dekodeerders te versprei aan huishoudings wat nie kon bekostig om dit self te doen en dan oor te skakel na digitale uitsendings toe nie. Lede van die publiek moes forms invul waarin hulle inkomste verklaar word. Slegs laags besoldigde werkers kon kwalifiseer vir hierdie gratis dekodeerders. Daar is egter ook nog diegene in die laer middelklas wat ook nie kan bekostig om na die digitale uitsendings toe oor te skakel nie, maar hulle kwalifiseer nie vir die regering se dekodeerders nie en ongelukkig het privaat diensverskafeers en handelaars van sulke toerusting nie veel moeite gedoen om digitale dekodeerders te bemark wat wel in die ope mark aangekoop kon word nie. Ek moes self maar by aanlyn handelaars gaan soek vir sulke dekodeerders wat beskikbaar was.
Die SABC en ETV is albei bang dat hulle kykers kan verloor indien die analoog senders heeltemal afgeskakel sou word.
Terwyl die SABC, Sentech, ETV en selfs Multichoice stry oor die digitale migrasie en wie dalk die moontlike huishoudelike heffings moet invorder wat moontlik die verouderde televisielisensies moet vervang, neem stroomdienste al meer oor. Daar was selfs al oorwegings om belastings teen stroomdienste te hef om die SABC te red. Twee honde baklei oor ‘n been en die derde gaan daarmee heen.
Daar is egter groot kommer oor die gevolge van so ‘n sendersluiting vir SABC se televisie- en radio-uitsendings. Hoewel die kwaliteit van televisie-uitsendings se inhoud op die SABC se kanale drasties agteruit gegaan het, het radiodienste soos Radio Sonder Grense steeds probeer om goeie programme aan te bied ten spyte van knypende geldtekorte wat ook maar besnoeiings aan hulle programvervaardiging en personeelure veroorsaak het. Dan is daar ook nog die radiostasies wat ander taalgroepe en bevolkingsgroepe bedien. Hierdie dienste het nog altyd ‘n belangrike bydrae gelewer om hulle onderskeie gemeenskappe ingelig te hou, te vermaak en om die kultuur uit tebou.
Dink byvoorbeeld aan RSG se radioteater, inligtingsprogramme oor regsake, mediese aangeleenthede, besigheid, kinderopvoeding en sielkunde. Dan ook nog waardevolle hoorbeelde wat uitgesaai word oor interessante mense, onderwerpe of geskiedkundige gebeure.
Radio speel ‘n baie belangrike rol vir diegene wat bedags by die huis is en nie altyd kontak met ander mense het nie.
Wat gebeur met onafhanklike radiostasies wat ook van die infrastruktuur van Sentech afhanklik is? Ek dink veral aan stasies wat voorheen aan die ou SAUK behoort het maar wat na 1994 geprivatiseer is en aan opkomende mediamaatskappye verkoop is. Van hierdie stasies deel op sommige plekke steeds hulle torings met bestaande SABC senders. Gaan hierdie radiostasies dan ook afgeskakel word of gaan ulle betyds oorgeskakel word na hulle eie senders? Of kan Senteck wel individuele senders op een toring afskakel?
Dis voorwaar ‘n voorreg om in ‘n gebied te kan bly waar daar onafhanklike radiostasies beskikbaar is op FM. Dit sluit gemeenskapsradio en handelsradio in. Veral Afrikaanse gemeenskapsradio het vir my persoonlik groot waarde. Ongelukkig is daar groot dele van Suid-Afrika waar daar baie min of geen sulke dienste beskikbaar is nie. Dis meestal die SABC se stasies en die voormalige streeksradio van die ou SAUK wat beskikbaar is met miskien ‘n onafhanklike streeksradiostasie wat byvoorbeeld nie in Afrikaans beskikbaar is nie. Gelukkig kan mens darem na Afrikaanse gemeenskapsradio luister via die internet. Maar dit trek data en almal het nie noodwendig toegang tot onbeperkte internet nie. Verder het baie mense wat perfek sou kon baat by sulke uitsendings nie die tegniese vaardighede om dit te kan luister nie. Mens dink veral aan ouer persone.
Verder kan daar ook vrae gevra word oor die kwaliteit van programme wat moontlik verlore kan gaan indien die SABC se senders wel einde Desember gesluit gaan word. Sal onafhanklike stasies ook radioteater, inligtingsprogramme en hoorbeelde kan uitsaai soos wat die SABC se radiodienste gedoen het? Sal hulle ook die kultuurbehoeftes van hulle luisteraars verstaan en materiaal kan aanbied wat daarby aanpas? Dink maar aan RSG se spesiale programme vir Kersfees en Paasfees?
Afrikaanse gemeenskapsradio probeer wel om hierdie behoeftes te vervul. Hulle bied wel inligtingsprogramme aan oor gesondheid, landbou, gemeenskapsaktiwiteite en selfs kulturele insetsels soos spesialiteitsmusiekprogramme. Hierdie uitsaaiers het egter beperkte hulpbronne en dit sal byvoorbeeld moeilik vir hulle wees om dramas en hoorbeelde aan te bied. Daar is net nie die nodige kapitaal en personeel daarvoor nie.
Die minister van kommunikasie, MNR. Solly Malatsi, het wel aangedui sy departement het ‘n diensverskaffer aangestel om ‘n befondsingsmodel vir die SABC te ontwerp. Hoe lank gaan so ‘n proses neem? Gaan iemand dit wel regkry om ‘n haas uit die hoed te pluk tussen nou en Desember of gaan ons wel ‘n stil, donker tyd tegemoed in die nuwe jaar?Fediverse Reactions
-
-
Nuwe blog: Die Berig
'n nuwe Afrikaanse blog het onlangs op vuurslag.co.za/ verskyn.
http://dieberig.wordpress.com
Die webjoernaalskrywer, Joshua Van Blommestein het 'n interessante konsep hier beet. Hy neem nuusberigte van internasionale nuusplatforms en vertaal dit dan in Afrikaans en plaas dit op sy blog. Sodoende kan Afrikaanse lesers toegang kry tot internasionale nuusberigte wat nie altyd in ons gewone hoofstroommedia verskyn nie of wat ons normaalweg nie sou lees indien dit wel tussen Suid-Afrikaanse nuusstories sou verskyn nie.
Daar is onder andere stories van menslike hoogtepunte en helde soos die Australiese bloedskenker James Harrison wat onlangs oorlede is en wie se bloed baie ma's en babas se lewens gered het.Australië se ‘man met die goue arm’, wie se seldsame bloed 2.4 miljoen babas gered het, sterf op 88
Daar is ook 'n berig oor 'n byeenkoms van vroue in Sjina wat die kommunistiese regering daar op hulle senuwees gehad het. Gelukkig is daar nie vyandige aksie teen hierdie vroue geneem nie, maar hulle het dit net so ver moontlik probeer beheer.
‘Ons het al hierdie energie gehad’: Die geskiedkundige byeenkoms van vroue wat China ontstel het
Daar is egter ook berigte wat erg ontstellend is en wys hoeveel wreedheid daar soms gepleeg word in oorloggeteisterde lande soos Soedan en Noord-Korea.
Babas en jong kinders word verkrag as ‘n oorlogswapen in Soedan, sê UNICEF
Hierdie kan soms moeisame werk wees vir die blogger wat hierdie webjoernaal versorg. baie sterkte vir jou.
Indien jy 'n leser is wat nuuskierig is oor internasionale nuusgebeure, kan jy beslis hier gaan inloer.
-
Carmen Niehaus hier op WordPress
So sit ek vanoggend en lees deur die etiketlyste op vuurslag.co.za/ en kom af op hierdie blog van 'n absolute glanskok.
Dis niemand anders as Carmen Niehaus, die bekende glanskok van Huisgenoot. Sy het ook nou 'n weeklikse program, Lekker en Goed, op Kyknet.
Ek beskik ongelukkig nie oor DSTV om dit te kan kyk nie en het al 'n geruime tyd terug my Netwerk24 intekening ook opgegee, maar ek ondersteun nog al die jare ons Afrikaanse blogs, veral op WordPress. Ek weet hier is verskeie dames wat soms lekker resepte met ons deel, van glansresepte tot Januariekos. Dis nou die soort geregte waar jy moet besnoei op die koste van jou bestanddele, maar terselfdetyd die etes so smaaklik as moontlik moet hou.
Of wat van hierdie liplekker muffins? Ek het lanklaas sulke lekker muffins geproe met klapper en semels in.
Hier is so 'n paar van Carmen se glansidees.
Selfs haar pizza en koekstruif het daardie bietjie ekstra finess.
Ek het julle nou 'n behoorlike bederfsessie gegee. Daar is egter nog ander resepte ook.
As jy dus een van daardie mense is wie nie toegang het tot premium media nie, maar jy soek nog steeds kosidees om jou etes mee op te kikker of om jou gaste mee te onthaal, dan kan u beslis Carmen se blog gaan besoek. Jy sal nie spyt wees nie. -
My eerste probeerslag met ‘n eie betaalde WordPress blog
Vir ‘n lang tyd al het ek al gewonder hoe dit sal wees om my eie WordPress blog te kan hê. Een wat nie al die advertensies en beperkings het van ‘n blog op wordpress.com nie. Dit was ook vir my moeilik om een van die betaalde planne op WordPress.com uit te neem omdat hulle slegs betalings in sekere goedgekeurde geldeenhede ontvang en ek tans nie die nodige kundigheid en fasiliteite het om internasionale betalings te kon doen nie.
Op die ou einde het ek toe besluit om so ‘n blog deur ‘n plaaslike Suid-Afrikaanse diensverskaffer te kry. Baie dankie aan Xneelo vir die geleentheid wat julle my kan bied om hierdie webwerf op julle bedieners te kan huisves. Hulle tariewe is uiters billik en hulle laat my ook toe om al my rekeninge kontant te betaal en beperk jou nie net tot debietorders of kredietkaarte nie.
Besoek hulle gerus indien u ‘n webwerf wil begin.
http://xneelo.co.za
Hierdie blog gaan ‘n soort voortsetting wees van my ander blog http://vuurslag.wordpress.com wat ek reeds sedert 2009 bedryf. Ek gaan so ver moontlik probeer om my nuutste artikels op albei blogs te plaas juis omdat ek nou al ‘n klein maar getroue leserskorps op my vorige webjoernaal opgebou het. Op ‘n tyd wat vir my reg is sal ek dan die groot skuif maak na hierdie webjoernaal toe sodra ek ‘n goeie gemeenskap hier gevestig het.
Kom ons kyk wat 2025 vir hierdie blog en Afrikaanse blogs in die algemeen inhou. -
Sonde met die bure en andere wat die kinders laat struikel
Hierdie is voorwaar skokkend. Wat is besig om van ons mense te word? Dan is daar nog ouer mense wat jong kinders ook laat struikel in hulle verslawing en trots is daarop. Diesulkes moet net onthou dat ons in die Bybel gewaarsku word dat dit wel onvermydelik is dat kinders sal struikel, maar as jy as ouer, voog of volwassene doelbewus kinders laat struikel, is dit vir jou beter dat ‘n meulsteen om jou nek vasgemaak word en dat jy in die diepsee gegooi moet word. Iewers is ‘n wonderwerk dringend nodig. Baie dankie Rina Bester vir jou skrywe waarin jy hierdie euwels met praktiese voorbeelde uitlug. Mens wil nie inmeng by ander mense nie, maar wat te erg is, is te erg.
-
Laaste Sien Van Die Blikkantien
Aan die beginjare toe ek hierdie webjoernaal begin het, was daar hoofsaaklik drie manier hoe mens nuwe Afrikaanse blogs kon ontdek en lees.
Die eerste was WordPress se eie portaal af.wordpress.com waar mens verskeie blogs en artikels kon lees wat op die netwerk van wordpress opgang gemaak het. Elke dag was daar nuwe en interessante leesstof.
Tweedens was daar die sogenaamde "blogrolls" van medeskrywers met hulle eie blogs. Dit het bestaan uit 'n lys van webskakels na ander blogs wat deur die eienaar van die webblad aan sy lesers voorstel. So kon jy nuwe blogs ontdek en dan deur hulle eie blogroll gaan om nog nu bloggers te ontdek en te lees.Laastens was daar 'n onafhanklike platform fir Afrikaanse Bloggers genaamd Blik. Dit was 'n webblad met RSS voere van verskeie Afrikaanse blogs op WordPress, Blogger en Litnet sowel as onafhanklike webwerwe, gevestigde koerante en ander nuusdienste in Afrikaans. Dit was beskikbaar by http://blik.co.za en het elke uur herlaai met skakels van nuwe artikels op die webwerwe en blogs wat deur die RSS voer aan die webwerf gekoppel was.
Dit was 'n soort eenstop bestemming waar jy al die jongste nuus kon optel sowel as die jongste inskrywings van bloggers. Dit het ook gehelp om Afrikaanse webjoernaalskrywers aan nuwe lesers voor te stel en nuwe interaksie op webblaaie te stimuleer.
Die laaste paar weke kom ek egter agter dat Blik glad nie meer aanlyn is nie. Ek het wel al opgemerk dat die webwerf nie meer so 'n groot verskeidenheid blogs en webwerwe het soos voorheen nie. Dit was egter wel 'n skok toe ek wel bemerk dat die webwerf nou finaal van die lug af is.Ek besef maar al te goed dat hierdie webwerf 'n eenmansprojek was en dat die webmeester self verantwoordelik was vir die koste en arbeid wat in hierdie platform ingegaan het. Dis ook nie altyd maklik om by te hou met nuwe webwerwe en blogs wat begin word nie en dis ook nog 'n ander storie om by te hou wanneer Webblaaie se RSS adresse verander.
Dis nogtans hartseer om te sien hoe die einde van nog 'n era vir Afrikaanse bloggers aangebreek het. Die enigste manier om nou by jou gunsteling blogs by te hou is om hulle per e-pos te volg of as jy 'n WordPress blog het, kan jy jou vuurslag.co.za/ nuusleser gebruik om die nuutste artikels te lees. Hoewel dit jou help om bestaande skrywers se werk te volg, help dit jou nie om nuwe skrywers te ontdek nie.
Van my kant af sal ek steeds probeer om waar ek nuwe Afrikaanse bloggers kry, 'n kort ressensie oor hulle skryfwerk te doen en 'n skakel na hulle webwerf te plaas. Ek het jare terug dit gereeld gedoen op my eie blog sowel as op https://kekkel.wordpress.com
Vaarwel dan aan 'n wonderlike internetplatform wat op sy eie manier in die stilligheid diep digitale spore vir Afrikaans op die internet getrap het. -
Glo jy aan Vrydag die dertiende
Ek kyk nou juis vanoggend weer op die Afrikaanse WordPress blogs rond en kom loer toe so bietjie in by die hoenderhok. Ek was heel verbaas om te sien dat die blok weer sigbaar is al vir ‘n paar jaar. Bierpens het soos gewoonlik nie teleur gestel nie en skryf nog steeds puik stories oor die dinge wat ons gewone mense steeds as vaal beskou. Van rugby en suurgatte tot lyfstraf op skool. Laasgenoemde het ek baie geniet. Baie van ons wat in ‘n sekere era grootgeword het sal ‘n storie of twee hieroor kan vertel.
Aangesien dit dan vandag weer Vrydag die dertiende is, is die vraag of jy wat nou hier lees werklik aan soiets glo?
Ek persoonlik is glad nie bygelowig nie en glo ook nie daaraan nie. Maar indien daar wel in die alledaagse lewe dinge sou verkeerd loop, is dit altyd ‘n handige skuifmeel om die blaam vir wat ook al gebeur het te verskuif.
Verder glo ek ook dat indien jy wel hierdie dag sou vrees is jy dan ook meer geneig om die foute te maak wat dan tot jou slegte geluk lei.
Geniet julle dag baie en mag dit sonder ongelukke, swart katte en wat nog alles wees. -
Afrikaanse radio nader die kruispad
Afrikaanse radio is gaandeweg besig om stadig maar seker ‘n kruispad te nader en binnekort sal daar deur uitsaaiers en luisteraars besin moet word of hulle steeds afhanklik van die staatsgesteunde openbare radiodiens wil wees en of ons heeltemal onafhanklik van die ou staatsmodel wil funksioneer.
Hierdie kwessie is die week op die spits gedryf nadat die SABC afleggingsbriewe aan 400 van sy personeel gestuur het. Onder hulle was ook vyf gewilde omroepers by Radio Sonder Grense, die SABC se Afrikaanse uitsaaidiens. Hierdie stasie saai al die afgelope 83 jaar onder verskeie name uit, maar dit het al die jare ‘n trotse baken van die Afrikaanse uitsaaiwese gebly alhoewel die stasie se beeld erg skade gely het as gevolg van te veel pro-ANC standpunte wat daar gehandhaaf word. Maar die ANC is immers die regering van die land en hulle is dus ook in beheer van die openbare uitsaaier, naamlik die SABC en al sy televisie en radiodienste.
As mens egter die politieke programme ignoreer moet mens toegee dat RSG steeds daarin slaag om puik gehalte programme te vervaardig wat inligtings- en opvoedingsprogramme insluit. Verder is daar ook nog die radiodramas, boekvoorlesings en spesialiteitsmusiekprogramme wat ook uitgesaai word.
Die afleggings by die SABC is genoodsaak deur ‘n finansiële krisis wat op sy beurt veroorsaak is deur wanbestuur en gebrek aan kundigheid by die staatsonderneming. Verder was daar ook ‘n skerp afname in die betaling van TV-lisensies en ‘n gebrek aan wetstoepassing om nie-betalers op te volg.
Namate die wanbestuur en korrupsie by die SABC na vore gekom het betaal baie mense ook nie lisensies nie uit protes daarteen. Verder word daar ook gevoel dat veral die televisiedienste nie programme van goeie kwaliteit vervaardig en uitsaai nie.
Baie mense het gister in reaksie op die nuus van die aflegging by RSG gesê dat mense eerder op onafhanklike Afrikaanse gemeenskapsradiostasies moet inskakel. Dit is alles goed en wel, maar hierdie stasies het maar net ‘n beperkte gebied wat hulle op fm-frekwensies dek. Daar is baie plattelandse gebiede wat nie deur sulke stasies gedek word nie. Ek bly self in so ‘n area waar daar nie een van daardie stasies beskikbaar is nie. ICASA het wel aan ander taalgemeenskappe uitsaailisensies toegeken maar ons as Afrikaanse luisteraars is ongelukkig baie snoep behandel deur ICASA met die toekenning en behoud van Uitsaailisensies vir Afrikaanse radiostasies.
Die enigste manier hoe ons na sulke gemeenskapsradiodienste kan luister is deur middel van internetradio. Dit skep egter sy eie uitdagings omdat mens dan duur vir data moet betaal of andersins ‘n onbeperkte internetplan by jou diensverskaffer moet aankoop.
Diegene wat dit nie kan bekostig nie is dus maar op die staatsuitsaaier aangewese.
Die vyf permanente aanbieders by RSG wat nou afleggingsbriewe gekry het se dienste sal met ingang 1 Desember opgeskort word. Magdaleen Kruger, die stasiebestuurder by RSG, het egter gemoedere probeer kalmeer deur te sê dat hulle wel met die aanbieders sal onderhandel en hulle dan vryskutkontrakte aanbied. Sy hoop dat hierdie proses voor Oukersdag reeds afgehandel sal wees. Sy het egter daarop gewys dat indien hierdie proses nie voor einde Desember afgehandel is nie sal dit maar moeilik gaan om in Januarie die stasie na behore te laat funksioneer as gevolg van ‘n tekort aan personeel.
Indien die tweede senario wel sou uitspeel sal dit interessant wees hoe die programinhoud van RSG bestuur gaan word om ‘n deurlopende uitsaaityd te verseker. As daar minder personeel is wat nuwe uitsaaimateriaal kan vervaardig, hoe sal die oorblywende tyd dan gevul word, meer musiekprogramme? Dalk meer argiefmateriaal wat uitgesaai gaan word? Dalk meer boekvoorlesings op interessante tydgleuwe? Dalk meer kunsuitsendings soos wat ons tydens die grendelstaat beleef het? Enigiets om die publiek se aandag nog ‘n oomblik langer weg te lei van lei van die verslegtende situasie by die stasie asook in die res van die land.
Ek het al voorheen beleef hoe twee private Afrikaanse radiostasies so ‘n kreeftegang gegaan het totdat hul uiteindelik hul uitsendings moes staak. Dis erg genoeg as jy ‘n familielid of geliefde sien agteruit gaan en dalk hul helderheid van verstand verloor of hulle liggaamlik agteruit gaan. Dis byna net so erg as ‘n geliefde radiodiens en sy personeel so ‘n kreeftegang beleef.
Hierdie proses het ek beleef met CR FM wat vanaf Christiana in Wes-transvaal uitgesaai het asook met Punt Geselsradio wat op mediumgolf vanaf Kaapstad en Johannesburg uitgesaai het.
Jy ervaar saam met hulle die personeeltekorte en die lang periodes gedurende die dag wat deur musiek opgevul word. Jy beleef hoe sommige getroue personeel soos bittereinders steeds in hulle aangewese skofte uitsaai. Mens ervaar hoe sommiges hulle kreatiwiteit tot die uiterste moet inspan om steeds ‘n vermaaklike program aan te bied ten spyte van ‘n gebrek aan interaksie tussen die stasie en luisteraars omdat die telefoonlyne afgesny is as gevolg van ‘n agterstallige rekening. Mens beleef die gebrek aan advertensies. In die geval van CR FM het mens self ervaar hoe die uitsaaigebied al kleiner word nadat van hulle senders in ander dorpe moes afgeskakel word. En dan eendag, net te skielik, kom die groot stilte.
Ek hoop van harte dat dit nie met RSG sal gebeur nie, maar dat daar wel uitkoms sal wees. Indien nie, moet ons maar net hoop dat ICASA dringend daaraan sal aandag gee om nuwe lisensies toe te ken aan Afrikaanse gemeenskapsradiostasies, veral in die platteland waar daar nog heelwat spektrum op die FM-frekwensieband beskikbaar is. Ek besef maar al te goed dat daar ‘n krisis in die groter stede is waar frekwensiespektrum byna heeltemal uitgeput is.
Hoe hierdie situasie ook al ontvou, kan ons egter verseker wees dat 2021 ‘n nog meer turbulente jaar gaan wees as vanjaar, nie net in die uitsaaiwese nie, maar ook in die res van die samelewing. .
Baie sterkte aan almal van julle wat hierdie interessante tyd tegemoed gaan. -
Gaan 2018 ‘n klipkoujaar wees?
Dis die groot vraag wat baie van ons onsself afvra aan die begin van ‘n baie woelige jaar. Die tafel is reeds gedek vir groot uitdagings wat in groot moeilikheid kan omsit as dit nie effektief bestuur word nie.
Op 29 Desember 2017 het die stryd om Afrikaans op universiteite nog ‘n terugslag beleef toe die grondwethof beslis het dat die Universiteit van die Vrystaat wel reg was in hulle besluit om Afrikaans as onderrigtaal af te skaf en slegs lesings in Engels aan te bied behalwe in enkele vakke. Ernst Roets van Afriforum wys in ‘n puik artikel in Maroela media daarop dat hierdie beslissing op baie twyfelagtige argumente gegrond is.
Kovsies, Afrikaans en die konstitusionele hof se politieke onderrok
Ongelukkig is die grondwethof die hoogste hof van appél in Suid-Afrika en kan daar nie verder op regsgronde appél aangeteken word teen hierdie besluit nie.
Daar sal dus moeite gedoen moet word om vir ons Afrikaanse studente ‘n akademiese tuiste te skep waar hulle in hulle eie moedertaal gevorderde beroepsgerigte vakonderrig kan ontvang. Solidariteit se Akademia is ‘n goeie begin. Hulle vakkeuses is egter nog beperk en daar sal dringend nog meer akademici gewerf moet word om meer vakrigtings soos mediese wetenskap, ingenieurswese ensovoorts daar te kan doseer. Verder moet die Akademia konsep ook na ander groot universiteitsdorpe uitgebrei word.Die waterkrisis in Kaapstad sal na alle waarskynlikheid nog vererger. Die gevreesde dag 0, wanneer Kaapstad se reservoirs en damme heeltemal leeg kan loop kom al hoe nader. Daar was wel goeie nuus dat ondergrondse waterbronne meer water kan lewer as wat aanvanklik geskat is, maar dan sal die stad Kaapstad hierdie waterbronne oordeelkundig moet bestuur, want as dit uitgeput is, sit hulle almal in tamatiestraat. Daar kan maar net gehoop en bid word dat hierdie winter dalk beter reënval kan oplewer. Dit sal egter baie moet reën om daadwerklik ‘n einde aan die waterkrisis te maak.
Tydens laasjaar se nasionale kongres van die ANC in Johannesburg is Cyril Ramaphosa as die party se nuwe leier aangewys. Jacob Zuma is egter nog steeds staatsprisident. Dit skep uit die aard van die saak twee sentra van mag en soos wat ons destyds met die magstweespalt tussen Thabo Mbeki en Jacob Zuma gesien het, hou so ‘n verdeelde opset nie lank in die Suid-AFrikaanse politeik nie. Verder is daar ook groot druk op Zuma om as staatsprisident te bedank na aanleiding van ernstige bewerings van korrupsie en selfs staatskaping wat oor hom en sy kornuite se koppe hang. As hy eers uit die regeringstoel is, verloor hy sy prisidensiële imuniteit teen vervolging en kan hy in ‘n geregshof verhoor word. Zuma besef dit maar al te goed en daarom is hy nie te gewillig om die tuig neer te lê nie. Daar word verwag dat hy so ver moontlik aan die mag gaan vasklou en ‘n groot doring in Ramaphosa se vlees gaan wees. Intussen het hy wel op Dinsdag, 9 Januarie 2018 ‘n kommissie onder leiding van regter Raymond Zondo aangestel om staatskaping te ondersoek, maar baie mense verwag nie te veel van hierdie ondersoek nie en verwag dat Zuma of van die ander betrokkenes dalk vele geregtelike opstruksies in die pad van die ondersoek kan plaas of dat die ondersoek se mandaat so groot kan wees dat hulle nie effektief op die staatskaping van die Zuma-familie en die Gupta-familie kan fokus nie.
Op Saterdag, 16 Desember 2017 het prisident Jacob Zuma ‘n opslagbal na die moontlike nuwe administrasie van Cyril Ramaphosa geboul met sy skielike aankondiging dat gratis universiteitsonderrig aan alle arm en werkersklas studente beskikbaar gestel gaan word vanaf 2018. Die Ekonomiese Vryheidsvegters het op hulle beurt alle matrikulante aangehits om by universiteite op te daag en te registreer en op die gratis onderrig aan te dring.
Die groot probleem hiermee is die feit dat Suid-Afrika nie naastenby genoeg geld het om so ‘n onderneming te befonds nie. Die regering het ook aangedui dat hulle nie die begroting gaan verander om die gratis studies te befonds nie. Die groot vraag is egter waarvandaan die fondse verhaal gaan word. Baie kenners vrees dat belastings dalk drasties verhoog sal moet word tydens Februarie se begrotingsrede om wel die nodige finansies te bekom vir so ‘n grootse onderneming.Die vraagstuk oor grondonteiening sonder vergoeding word ook reeds al meer op die spits gedryf. Selfs Cyril Ramaphosa het ook sy steun daarvoor uitgespreek, wel met die voorbehoud dat dit nie ekonomiese groei in die land mag ontwrig nie, maar dit klink ook maar na ‘n fopspeenbelofte omdat enige eiendom wat sonder vergoeding deur die staat geneem word, wel ‘n ekonomiese impak op die land sal hê en veral vir die boere en hulle gesinne sowel as die plaaswerkers en hulle gesinne wat direk by die boerdery gebaat het. As deselfde proses homself oor die land heen herhaal sal dit ongetwyfeld ‘n ernstige impak hê op die ekonomie sowel as voedselsekerheid, net soos in Zimbabwe.
Baie sterkte aan al my lesers en volksgenote wat saam hierdie uitdagings moet trotseer. Mag julle almal gespaar bly en heelhuids aan die anderkant uitkom.
Sterkte aan julle almal vir ‘n baie interessante nuwe jaar.
